Bidelanek Bikaintasunerako konpromisoaren diploma lortu du. Horrek agerian utzi du Erabateko Kalitatearen nahiz bikaintasunaren konpromisorako hartutako bidea, eta 2008 baino lehen “Zilarrezko Q“ lortzeko duen asmo sendoa berretsi du.

ISO 14001 ziurtagiria 2006. urtean eskuratu ahal izateko, Bidelan ingurugiro kudeaketa sistema bat inplementatzen lanean dabil.

Gaur egun, Zerbitzu Karta egiten ari da, erabiltzaileek jakin dezaten zein zerbitzu eska dezaketen eta euren zerbitzuak hobetzeko hartu dituen konpromisoak zeintzuk diren ezagutarazteko.

Antolaketa eredua

Bidelanen zerbitzuak dituen ezaugarri bereziak eta enpresa osatzen duten langile-kopuru altua izanik, antolaketa eredu malgua eskatzen du, erantzuteko gai izango dena eta Erabateko Kalitatera bideratua egongo dena.

Kultura korporatiboaren aldaketa bultzatzeko eta Politika eta Estrategia zabaltzeko, Bidelanek, partekatutako buruzagitza abiapuntu hartuta, prozesu-kudeaketa oinarri duen antolaketa ereduaren alde egin du.  

Hala, urteetan ohiko ereduetan oinarritu den kudeaketa-sistema sistema horizontalera pasatzea ekarri du, langile guztien parte-hartzea bultzatzeko.

Politikako eta Estrategiako helburuen bidez, etengabe hobetzeko ziklo sistematikoak jarri ditugu abian. Horri esker, bezeroak edo erabiltzaileak eta emaitzak izan dira gure ardatzak, prozesuak eta haien taldeak kontuanhartuta.

Bai Euskarari

Euskaraz lan egiteko eta komunikatzeko trebakuntza Bidelanen lehiakortasunaren faktore estrategikoetako bat da. Enpresak “Bai Euskarari” ziurtagiria du. Horrek lan-eremuan euskararen egoera normalizatzeko hartutako konpromisoa aitortu du.